#بېسارانی#
زڵېخام تەتار، زڵېخام تەتار
دۇ دیدەش وېنەی وەلەدەی تەتار
جەیرانی دەودۊ، جېیا جە قەتار
دۇر کەفتەی سارای، مەئوای خوتەن شار
مېرغوزار ماوا، ڕەوېڵەی ڕەوېڵ
وەڵگی گوڵبەدەم نەپای هەردان گېڵ
زامەن جە سەری، تەیېب بەند موشکەو
نە خەوفی سەیاد، شەو نەکەردە خەو
دەیری بیدی گېڵ دەوەندەی دۇر پەڕ
کڵاف بە شەونم خونچەی گوڵان تەڕ
قنیات کەر وە گوڵ خونچەی سۊسەنان
شەو خاو گەش نەپای بارگەی چل تەنان
قودرەت بە کەرەم بېهەستایی وېت
بە حەرفی ئەوەڵ ئەلف و لامی وېت
ئەو وەلەدەی شۊخ نە پای هەردان گېڵ
حوققەی نافی موشک، زوڵفی ماوا پېڵ
پەی ساکنی دەرد بگېرەش نە دام
تا چەندێ مەرهەم بەیۊ پەرۍ زام
[1]