پیاکە ئېشەو جمعەن، با حۆت کافرۍ کوشمۍ.

مەڵڵێوە ئایینی دلۍ کۊنیشتێنە مۊچیاری دۍ بە خەڵکەکەی، ماچۊ: (هەر کەسێ شەوەو جومعەینە چەنی ژەنەکېش هەرمانەی شەرعیە کەرۊن، پېسەنە حۆت کافرېش کوشتېبا) .
ژەن و پیێوە چاگەبان، وەختێ مەگېڵاوە پەی یانەی، ژەنەکۍ ماچۊ: پیاکە ئېشەو جمعەن، با حۆت کافرۍ کوشمی، پیاکەیچش ماچۊ: خاسا. کوچێش پەنەشی ژەنەکۍ ماچۊ: پیاکە ئېشەو جمعەن، با دەسمانە بەرنەشۊ، با حۆت کافرۍ تەر کوشمۍ، پیاکە ڕازیبی، حۆت کافرۍ تەرېشا کوشتۍ، پا تەرزە تا مەڵڵا بانگدای نزیکەو سەڎ کافرېشا کوشتۍ.
پەی سەوای شەوی، دیسان ژەنەکۍ ماچۊ: پیاکە، ئېشەو جمعەن با دەسکەرمۍ بە کافر کوشتەی، پیاکەش ماچۊ:
ژەنەکۍ، ئېشەو کەی جمعەن، هیزی شەوۍ جمعەبۍ، ژەنەکۍ ماچۊ: پەی غەزا کەردەی، گرڎشەوێ جمعەن، ئەپا نۊعە ژەنەکۍ زۊرش ئاردەبۍ پەی پیاکەی، بېهېزش کەردەبۍ، لووتەڎ گېرتێ گېیانش بەرشۍ، ناچار یانەش جیائاست و لوا پەی مزگی، ژەنەکېش چن پیێش کیاستۍ شۊنیش، بەڵام پیاکە ماچۊ: هەتا جمعە چا یانەنە بۊ، من نمەوە پەی ئاگەی، یا من، یا جمعە.[1]