لە کۆبوونەوەی ڕۆژی شەممە #28-01-2023#ی یەکێتی و پارتیدا، وەفدی هەردوولا زۆر بە سەراحەت قسەیان لەسەر کۆی کێشەکانی نێوانیان کردووە. لە کێشە ئەمنییەکانی نێوانیانەوە تا کێشە داراییەکانی #سلێمانی# و بابەتی ئاڵوگۆڕی پۆستە وزارییەکانی یەکێتی لە کابینەی نۆیەم.
وەفدی پارتی یەکێک لە داواکارییەکانیان گەڕانەوەی #قوباد تاڵەبانی# بووە بۆ کۆبوونەوەکانی ئەنجوومەنی وەزیران. بەڵام قوباد تاڵەبانی ئەو داوایەی تیمی پارتی ڕەتکردووەتەوە.
قوباد تاڵەبانی باسی لەوە کردووە لە ئێستادا #31-01-2023# هیچ خواستێکی نییە جارێکی دیکە بگەڕێتەوە بۆ کۆبوونەوەکانی ئەنجوومەنی وەزیران و بە ناڕاستەوخۆ لەو کۆبوونەوەیەدا ئاماژەی بەوە کردووە لە حاڵەتی ڕێککەوتنی پارتی و یەکێتی، ئەوا کەسێکی دیکە بۆ ئەو پۆستە کاندید دەکات. [1]