بنێشت سوودی تەندرووستی گرنگی هەیە بۆ جەستە، بەڵام پێویستە ئەو بنێشتەی دەیخۆیت بەبێ شەکر بێت، چونکە شەکر زیان بە تەندرووستی دەگەیەنیت، پێگەی (medical) چەند سوودێکی گرنگی بنێشتی بێشەکری بڵاوکردووەتەوە.
یەکەم: سەرنج زیاد دەکات و یادەوەری بەهێزدەکات، یارمەتیی مێشک دەدات ئۆکسجینی زیاتری پێبگات.
دووەم: سترێس و دڵەراوکێ کەمدەکاتەوە، هەستی ئارامبوونەوە بە جەستە دەبەخشێت.
سێیەم: ددانەکان دەپارێزێت و ڕێگری دەکات لە کلۆربوونی ددان.
چوارەم: دڵەکزێ کەمدەکاتەوە ئەگەر لەدوای ژەمەکان بخورێت.
پێنجەم: بۆنی دەم خۆشدەکات.
شەشەم: یارمەتیی کەسانی جگەرەکێش دەدات واز لە خواردنی جگەرە بهێنن.
حەوتەم: چارەسەری وشکی دەم دەکات.
هەشتەم: لەکاتی گەشتکردن ئازاری گوێ کەمدەکاتەوە.
نۆیەم: یارمەتیی کەمکردنەوەی کێشی جەستە دەدات. [1]