لە ڕێکەوتی #04-02-2022# لە تەلاری هونەر لە شاری #سلێمانی# ، فێرگەی #نامدار قەرەداغی# بە هاوکاری بەڕێوەبەرایەتی گشتی ڕۆشنبیریی و هونەری سلێمانی، کۆنسێرتێکی گۆرانی و میوزیک سازکرا.
لە کۆنسێرتەکەدا منداڵانی فێرگەی میوزیکیی نامدار قەرەداغی چەند پارچە میوزیکێکی فۆلکلۆرییان پێشکەش کرد ، دواتریش چەند گۆرانییەک لەلایەن هونەرمەندانی بە ئەزموون و هونەرمەندانی لاوی شاری سلێمانییەوە پێشکەش کران و منداڵانی فێرگەی نامدار قەرەداغی وەکوو کۆرس و میوزیک هاوکاری گۆرانیبێژانیان کرد.
هەر لە کۆنسێرتەکەدا خەڵاتی ڕێزلێنان بەخشرایە هەردوو هونەرمەند #ئەنوەر قەرەداغی# و #سەڵاح مەجید# .[1]