تیمی #یەکێتیی نیشتمانیی کوردستان# سوورە لەسەر بایکۆتکردنی کۆبوونەوەکانی ئەنجوومەنی وەزیران و لە دواین هەڵوێستیش بۆ گەڕانەوە سێ مەرجی داناوە.
لە دواین هەڵوێستدا بۆ گەڕانەوە بۆ کۆبوونەوەی ئەنجوومەنی وەزیران، تیمی یەکێتی سێ مەرجیان داناوە بۆ بەشداریکردنەوە لە کۆبوونەوەکان، کە سێ مانگ زیاترە بایکۆتیان کردووە.
مەرجەکانی یەکێتی بریتین لەوەی وەک شەریکی ڕاستەقینەی حکومەت مامەڵە لەگەڵ تیمەکەیان بکرێت، کۆتاییهێنان بە قۆرخکاری دەسەڵات، لەگەڵ یەکلاکردنەوەی بابەتی هەڵبژاردن، بەپێی ڕێککەوتنی لایەنەکان.
تیمی یەکێتی جەختیانکردووەتەوە، یان ئەو مەرجانە جێبەجێدەکرێت، یان بە هیچ شێوەیەک ناگەڕێنەوە کۆبوونەوەکان و لە بایکۆتکردن بەردەوام دەبن. [1]