ئەندامێکى مەکتەبى سیاسى #یەکێتیی نیشتمانیی کوردستان# ڕایدەگەیەنێت، چاوەڕوانى گەڕانەوەى سەرۆکى هەرێمى کوردستان بۆ ئەنجامدانى کۆبوونەوەى لایەنەکان لە سەرۆکایەتى هەرێم، دەڵێت: بارزانى لە میونشن زۆر کەسى بینیووە لە ناوەندەکانى دەسەڵات، شتێک لە هەگبەکەیدا هەیە.
لە کۆنگرەیەکى ڕۆژنامەوانیدا، #سەعدی ئەحمەد پیرە# ئەندامی مەکتەبی سیاسی یەکێتی ڕایگەیاند، چاوەڕێین لە کۆبوونەوەی سەرۆکی هەرێم لەبارەی پرسەکانی هەڵبژاردن و پەیوەندییەکانی نێوان پارتی و یەکێتی و گەڕانەوەی سەقامگیریی بۆ نێو حکومەت گفتوگۆ بکەین.
مەکتەب سیاسییەکەى یەکێتى ئەوەشى ڕوونکردەوە، سەرۆکی هەرێم کۆمەڵێک پەیامی گرنگی سەرکردە و بەرپرسانی وڵاتانی پێیە و دەمانەوێت هەڵوێستی ئەوان بزانین، چونکە سەرۆکى هەرێم لە کۆنفرانسى ئاساییشى میونشن زۆر کەسى بینیووە لە ناوەندەکانى دەسەڵات، شتێک لە هەگبەکەیدا هەیە. [1]