عەشق پەی ژەنۍ و پەی نیشتیمانی.
دلۍ سرووشتە جوانەکانو هۆرامانی، دلۍ دنیاو عەشقی مەجازیەنە، چریکەو سیاوچەمانەینە، بەهەشت و عەشقینە، بېسارانی وینمۍکە سەوداو عەشقی دلۍ دڵ و دەروونیشەنە سەرەمڕە باڵاش کەردەن. پەوکەی سەرو دڵش، پاو دەسش، دیڎەو زوانش، مەوزۊنە خزمەت و مەعشووقېش، ئاڎ خاوەنو عەشقێن هەکە تەمامو بەڎەنیش، گیانیش، ئاوېزان و یارەکېش کەرۊن.
قیبلەم نەکېشۊ...
سەرێ کە سەودای خاڵت نەکېشۊ
خاترێ بە غەم، تۊ نەیەندېشۊ
بە زامی ناواک، سووب سەحەر ئېشۊ
سەرێ وە لای تۊ سەر نەدۊ شەوان
پایێ کە نە یۊ وە لات وە دەوان
ئەو سەر سەرنگوون گڵکۊی تازە بۊ
ئەو پا گەستەی مار بۍ ئیجازە بۊ
دیڎەی نەوینۊ هەر سەحەر ڕەنگت
زوانێ هەر شەو، نەبۊ هام دەنگت
ئەو دیدە ئەسرش بۍ مدارا بۊ
ئەو زوان بە سەنگ سیای سارا بۊ
دەستێو نەکەرۊ سەیرانی باخت
نەکەرۊ خزمەت بەرزی دەماخت
ئەو دەستە بەستەی جەللادی گەور بۊ
هەر ڕۊ جە نۊوە سزاش بەی تەور بۊ
قیبلەم دووری تۊ یەکجار منش کۊشت
باللە بەی تەور بۊ بېزارم جە گشت.
دماتەر وینمۍ شاعېرێ پېسە قانیعی بە تەرزێتەر مەگنۊنە دامو عەشقی، بەڵام عەشقو نیشتمانی، ئاڎ بە پېچەوانەو بېسارانی سەرێ سەوداو نیشتیمانیش نەبۊ چەنە، پەی چېروو خۊڵی خاسەن،
سەرێ وەک مێوبێ لە حاستی دوژمن
بەڵام پۆڵابێ بەرامبەر بە من
پڕ بێ لە خەیاڵ، بۆ کچۆڵە و ژن
دەک بیپێچێتۆ لە ناو تۆی کفن
لە خوا ئەخوازم کە بە بڕین چێ
تا دوا هەناسە بەزارو شین چێ
دڵێ عەشقش پەی نیشتیمانی نەبۊن، بە تیرەو دژمەنی پەل پەل کریۊن.
دڵێ بمخاتە کۆڵانە و کۆڵان
دایم کورکەی بێ، بۆ دیدەی کچان
قەت ڕا نەچڵەکێ، بۆ بێ دەستەکان
گوێی خۆی شل نەکا، بۆ ناڵە و گریان
یاخوا ئەو دڵە هەر ئاوارە بێ
بە تیغی دوژمن، پارە پارە بێ.[1]