لە هەر وەرزێکی ساڵدا بێت، سیر یەکێکە لەو خۆراکانەی لە چێشتخانەی هەموو ماڵێکدا هەیە و بەکاردێت، سوودی تەندرووستی زۆر باش و گرنگی هەیە، وەکوو بەهێزکردنی سیستمی بەرگری، بەڵام لەگەڵ ئەوەشدا هەندێک کەس هەیە پێویستە لە خواردنی دووربکەونەوە، ماڵپەڕیی healthshots ئەو کەسانەی بڵاوکردووەتەوە.

1- ئەو کەسانەی گرفتی ترشەڵۆکی گەدەیان هەیە، بەهۆی سیرەوە تووشی دڵەکزێ دەبن و ترشەڵۆکی گەدەیان زیاد دەبێت، بەتایبەتی ئەگەر لەسەر گەدەی بەتاڵ بیخۆن.
2- ئەو کەسانەی گەدەیان هەستیار یان لاوازە، بە خواردنی سیر گەدەیان زیاتر هەراسان دەبێت.
3- هەر کەسێکی گرفتی بۆنی دەم و هەناسەدان یان گرفتی بۆنی ناخۆشی جەستەی هەبێت، پێویستە لێی دووربکەونەوە.
4- ئەو کەسانەی دەرمانی ڕوونبوونەوەی خوێن بەکاردەهێنن، نابێت بە ڕێژەیەکی زۆر سیر بخۆن و باشترە کەمی بکەنەوە، چونکە سیر خوێن ڕووندەکاتەوە. [1]