#مەسرور بارزانی#، سەرۆکی حکومەتی هەرێمی کوردستان ئامادەیی نیشانداوە بەشێکی زۆر لە داواکارییەکانی #قوباد تاڵەبانی# جێگری جێبەجێبکات، بۆ ئەوەی بگەڕێتەوە کۆبوونەوەکانی ئەنجوومەنی وەزیران.
پێنجشەممەی ڕابردوو، کۆبوونەوەیەکی بچووککراوەی مەکتەبی سیاسی و سەرکردایەتی پارتی دیموکرات بەڕێوەچووە، کە هەریەکە لە #نێچیرڤان بارزانی# و مەسرور بارزانی جێگرانی سەرۆکی پارتەکەش بەشداربوون.
لەو کۆبوونەوەیە باسی کێشەکانی نێوان یەکێتی و پارتی و پرسی گەڕانەوەی تیمی یەکێتی بۆ کۆبوونەوەکانی ئەنجوومەنی وەزیران تاوتوێکراوە و جەختکراوەتەوە، کە دەبێت تیمی یەکێتی بگەڕێنەوە کۆبوونەوەکانی ئەنجوومەنی وەزیران.
زانیارییەکان باس لەوە دەکەن، کە لە کۆبوونەوەکە مەسرور بارزانی ئامادەیی نیشانداوە بەشێکی زۆر لە داواکارییەکانی تیمی یەکێتی و قوباد تاڵەبانی جێبەجێ بکات. [1]