پیر ڕاستگۆی قەرەداغی:
یۊن جە (72) پیرەی، یار و یاوەرو سوڵتان سەهاکی بېیەن، ئی چن دېڕە نموونێنۍ جە شېعرەکاش:
مێردان خواجام مێردان خواجام
پەرۍ ئازمایی مێردان خواجام
زەردەشت پېڎابی وە فەرمان شام
ئاوېستاش ئاوەرد پەرۍ خاس و عام
چەنی گومڕاهان ستېزان وە کۊچ
مەکۊشا پەرۍ یاری شەو و ڕۊچ.
چی پارچە شېعرېنە باسو ئانەیش کەردەن کە بە فەرمانو خوڎای زەردەشت پېڎا بېیەن و کتېبو ئاوېستایش پەی خەڵکی ئاوەردەن، خەڵکی پەی خوڎاپەرەسی مەچڕۊن، چەنی گومڕایا و سەروەنەشېویایا کۊتەن جەنگ و کېشمەکېش.[1]