ئەجۊ هەنگش قلۊرو وەزېنە ئېستەنۆ
هەنگ یان هەنگوین، بەرهەمێ سرووشتی خوڎا کەردەن، بەقیمەتەن، دەوان پەی دەردا، فرە بە کەمی جە یاگە خاسەکانە مېزیۊوە. هەنگوین گەر ئەسڵی و سرووشتی دەس بگنۊ، ئانە ناعمەتێ خوڎاهین، بەڵام جە ئارۊنە هەنگوینی سرووشتی فرە کەمەن، خەڵکی فڕ و فېڵ بەکارماران جە بەرهەم ئاوەردەیشەنە، جە وەختێنە هەنک جە شیلەو گوڵا هەنگوین وەشکەرۊن، خەڵک شیرینی مەنیارە پەیشان جېیای گوڵا.
پەوکەی هەنگوینی سرووشتی جە یاگێنە دەس گنۊ، هەکە دەسو خەڵکیش نەیاوابۊ لا، پېسە هەنگوینو قرۊڵو دارو وەزۍ.
بڕێ کەسۍ وەختێ چېوێ مێنە دەسشا، هەرچن ئا چېوە جە لاو حەڵکیۆ فرە بە قیمەت نېەن، بەڵام جە لاو وېشۆ فرە بە ئەهمیەتەن، خەڵکی پەنەش ماچان: ئەجۊ هەنگش قرۊڵەنە ئېستەنۆ![1]