خوڎا نەکەرۊ وېش ورنۊ:
پېسە مزانمۍ وۍ ورنای کەردارێ سرووشتین، گرڎ کەسێ جە هەر دەمێنە ڕەنگە دەس بەرۊ پەی یاگێوە لاشەیش، ورنۊش، یان یاگە گازو مەشوولێوە ورنۊ.
ئی ڕەفتارە جە ئینسانەکانە چەنی کەردارو زەڕ بەرئاردەی جە باخەڵەنە یۊی مشان، جارا زەڕ وزېنۍ باخەڵەو چۊخۍ جلە کوردیا. بە کەسی ڕەزیلی واچیان، پەی نموونەی گەر چن کەسێ یان ڕەفېقێ لوێبا پەی نان واردەی یان پەی کەبابخانەی، دمای دەس شتەی هەر یۊشا حەڼاو وېشۆ دەسش کەردەن باخەڵەشەرە بە نېیازو زەڕدای، بەڵام کەسی ڕەزیل وېش خەڵافنان، یان وېش دما وستەن جە نان واردەکەینە، ئیتر پەنەشا واتەن:
ئڼە ڕەزیلا، خوڎا نەکەرۊ وېش ورنۊ.[1]