نامێوە جە کوردە چەکدارەکاوە پەی قونسوڵو ڕووسیای جە (ماکۆ) :
جە لاو دۆڵەتو (ئەراراتیۆ) نامێوە بە ژمارە (24) و بە ئیمزاو من پەی شمە کېیانیێنە، بەڵام هیچ وەڵامێش نېیەن، سەرەڕاو ئانەیچە (تەتەرەکەما) هەر چا ڕوۆن گېریانو تاکو ئیسەیچ ئینا زیڼانو (ماکۆ) ینە. ئېمە دمای ئانەی ئی بار و زروفە سیاسیەما تاوتۊ کەرد، یاوایمۍ ئا باوەڕەی کە بە بۍ یارمەتی و هامکاری ڕووسیای گەلو کوردی نمەتاوۊ ڕزگاری نیشتیمانی وېش دەسەبەر کەرۊ.
ۋەرو ئانەیە کۊششو کوردەکا پەی واتە و گۊشگېرتەی چەنی ئېمە جە بەرو ڕووسیایۆ هیچ بەرهەمێش نەبی، ئاڎۍ (کوردەکۍ) بە پەنهانی جە مەرزەکاوە ئامێنە دلۍ خاکو سۆڤیەتی تاکو چېگە پېوەڼیی و واتە و گۊشگېرتەیما چەنی کەران.
پۆدیمەرە لوای سووپاو ڕووسیای ساڵەو (1941ز) پەی خاکو ئێرانی دەرفەتێ بۍ پەی کوردەکا تاکو پېوەڼیی چەنی کاربەدەسا قونسوڵخانەی و سووپاو سووری گېران. ئی بەڵگەنامە جە
(ڕاوەبەرو کاروبارو وەکۆتو مېیانی شالیارو بەرو سۆڤیەتی هاوڕێ سیچۆڤ) ی وەرگېریان.[1]