خۆم کۆی دۆسیەی گەندەڵی لە #هەولێر# و #سلێمانی# هەڵدەدەمەوە… بەڵام ناهێڵم کەسیان بۆ ململانێی سیاسی ئەوی دیکە بەکارمبهێنێت…
چەندین کەناڵ و سایت و پەیجی یەکێتی و نزیک لە یەکێتی داوایان لێکردوم لەسەر دۆسیەی زەوی لە هەولێر قسە بکەم بۆیان… لەگەڵ ڕێزم بۆ ڕۆژنامەنووسەکان.. من نایکەم، نەک لە بەرئەوەی نامەوێت لەسەر ئەو گەندەڵی و تاڵانیە قسە بکەم، بەڵکوو نامەوێت حیزبێک من بەکاربهێنێ بۆ شەڕی گەندەڵی حیزبێکی تر، ئەو تاڵانی و بردنەی زەوی لە سلێمانی کراوە جیاوازی چییە لەگەڵ ئەوەی هەولێر!
هیوام وایە لێکۆڵینەوە لە دۆسیەی ئەو (61 هەزار) پارچە زەویە بکەن کە بە نایاسایی بەناوی هێزی ئەمنی و سەربازیەوە لە سلێمانی مەتر مەتر کرا… بە دەیان ملیۆن دۆلار فرۆشرا، وردەکاری دۆسیەی زەوی کەلار ( وردەکاری باس دەکەم). دەیان دۆسیەی دیکە لە ئاییندەدا باسی دەکەم.
بەهەمان شێوە…
لە میدیاکانی (پارتی) یەوە هەرگیز نامەوێت باسی قاچاخی باشماخ بکەم و چاو لە فیشخابور دابخەم… نامەوێت باسی تاڵانی و مەتر مەتر و شەراکەتی یەکێتیی لە پڕۆژەکان بکەم و چاو لەو هەزاران دۆنمەی هەولێر بپۆشم.
یاساکەی من ئەمەیە: بەپیشەیی باسی هەمووی بکرێت. چاوپۆشی لە کەس نەکرێت. [1]
#عەلی حەمە ساڵح#