هاوپەیمانی چوارچێوەی هەماهەنگی مەرجی بۆ ناردنی بەشە بودجەی هەرێمی کوردستان داناوە و لەم مانگەشەوە دەبێت مەرجەکە وەک خۆی جێبەجێبکرێت.
لە کۆبوونەوەی ڕۆژی هەینی سەرکردەکانی هاوپەیمانی چوارچێوەی هەماهەنگی باسی ناردنی بەشە بودجەی هەرێمی کوردستان لەم مانگەوە کراوە.
هەر بەپێی زانیارییەکان، لەو کۆبوونەوەیەدا جەختکراوەتەوە، کە ئەگەر دۆسییەی نەوتی هەرێمی کوردستان لەم مانگەوە بە تەواوی ڕادەستی حکومەتی ئێراق نەکرێت، ئەوە نابێت ئێراق پشکی هەرێمی کوردستان لە بودجەی گشتی بنێرێت.
سەرکردەکانی چوارچێوەی هەماهەنگی پەیامێکیان ئاڕاستەی محەمەد شەیاع سوودانیش کردووە و داوایان کردووە، هەرێم پابەندبکات بە ڕادەستکردنی دۆسییەی نەوت بە حکومەتی ئێراق و لە گفتوگۆکانیش نابێت هیچ سازشێک لەو بارەوە بکات. [1]