پۊسو ڕۋېش قاییما
شەرم پەی مروڤی بە قیمەتەن، ئینسان بە شەرمۆ جوانەن، بنیاڎمی بۍ شەرم خەڵک چەنەش دوور مەگنۊوە، چوونکوم چەمەڕوانی گرڎ چېوێ ناشیرینیش چەنە کریۊن. شەرم بە فرەیی ئینا دلۍ ڕوخسارینە، یانی کەسی شەرمن جە ڕوخسارشەنە شەرم بەرمەگنۊ، وەختێ وەرانوەرەن چەنی خەڵکی تەری، بە حورمەتۆ قسېشان چەنی مەکەرۊن، دەنگش بەرز نمەکەرۊوە.
کە ماچان پۊسو ڕوېش قاییمەن، یانی ڕوخسارش پۊژیانەرە بە پۊسێ قاییمی، ڕوخسارش دېیار نېیەن، ئیتر شەرم نمەکەرۊ، گرڎ چېوێ ماچۊ، قسۍ گولۍ مەکەرۊن، پېسەنە پەشتەو پەردەیۆ مدرابۊ، پۊسو ڕۋېش قاییمەن.[1]