تیکە بژاوە، ئینجا قووتش بڎە
ئی ئیدیومېچە مۊچیاریێن پەی ئېمە هەکە وەختو واتەو گۊشگېرتەینە بزانمۍ چېش ماچمۍ، ئا قسۍ دلۍ دەمیمانە مزیارە ئەشۊم خاس ویرشا چەنە بکەرمېوە ئینجا واچمېشا.
بڕێ کەسۍ بە بۍ ئامانج، بۍ بەرنامە هەر خەریکۍ قسە کەردەینۍ، گرڎ چېو ماچان، گەر داواکاریەکەشا، یان باسەکەشا پېسە واتەنشا بە دوۍ قسۍ خێرۍ بەرش ۋزان، ئاڎۍ فرە توولانیش مەکەراوەو پەنجا قسۍ فڕە مڎان کە دوېشا ئیسفاڎەشان نېیەن، پېسە واتەنشا قسە هەزارەن، دوانش بەکارەن. ژاوای تیکەی دلۍ دەمینە، وېناکریان بە ویرۆکەردەیۆ قسۍ دلۍ مەژگینە، یان دڵینە، گەر تیکە خاس نەژاویۊ، عەزیەتو مەعیدەی مڎۊن، هەرپاسە گەر قسێوە خاس ویرش چەنە نەکریۊوە عەزیەتو خەڵکی و ساحیبەکەیچش مڎۊن.[1]