ناو: قاسم
نازناو: سوڵتانی
ساڵی لەدایکبوون: 1959
ڕۆژی شەهیدبوون: #27-07-2023#
شوێنی لەدایکبوون: #مەهاباد#
شوێنی شەهیدبوون: #هەولێر#
$ژیاننامە$
قاسم سوڵتانی لە ساڵی 1959 لە شاری مەهاباد لەدایکبووە، لە ساڵی 1979 کاتێ خوێندکار بوو بە تاوانی بەشداریکردن لە خۆپیشاندانەکانی ئەوکاتی شاری مەهاباد لەگەڵ چەند هاوڕێیەکی تری دەستگیردەکرێ و دەخرێنە زیندانەوە، ماوەیەک لە زینداندا دەبن و دواتر ئازاد دەکرێن. دوای ئازادکردنیان بۆیان دەردەکەوێت کە سزای لەسێدارەدانیان بۆ دەرچووە بەڵام بەهۆی سەرهەڵدانی شۆڕشی ئیسلامی لە ئێران سزاکەیان جێبەجێ نەکراوە.
دوای ئەم ڕووداوانە پەیوەندی بە حیزبی #دێموکراتی کوردستانی ئێران#ەوە دەکات و دەبێت بە پێشمەرگە، هەر لەوکاتەوە بەردەوام دەبێت لە خەباتی چەکداری و ڕامیاریش لە هەمانکاتدا و ناوبانگ دەردەکات بە ئەمینداری چاپەمەنی و بڵاوکراوە و ڕاگەیاندنەکانی حیزبی دێموکرات، لە ڕێکەوتی 27-07-2023 قاسم سوڵتانی دوای 44 ساڵ پێشمەرگایەتی بەهۆی جەڵتەی دڵ لە شاری هەولێر کۆچی دوایی کرد. [1]