#حکومەتی هەرێمی کوردستان#، ڕەتیدەکاتەوە کرێی ساڵانەی ئەو گرێبەستانەی کە بەشێوەی موساتەحە بە بازرگان و هاووڵاتییانی داوە، کەم بکاتەوە.
بەپێی بڕیارێکی حکومەت، پێشنیازی کەمکردنەوەی کرێی ساڵانەی ئەو زەویانە کە بەشێوەی موساتەحە بە بازرگان و هاووڵاتییانی داوە ڕەتکراوەتەوە و ئاماژە بەوەش دەکات کە دەبێ بۆ لەمەودا سێ ساڵ جارێک خەمڵاندن بۆ نرخەکانیان بکرێ.
بەپێی بڕیارەکە، ئەگەر بارودۆخی دارایی حکومەت گەشەیسەند ئەوا دەبێ دیاریکردنی نرخەکان زیاد بکرێ، بەڵام ئەگەر بارودۆخی دارایی باش نەبوو ئەوا نرخەکان وەکوو خۆیان دەمێننەوە و زیاد ناکرێ، لەگەڵ ئەوەشدا نابێ کەم بکرێتەوە.
لە کۆتایی ساڵی 2020، داواکاری گشتی داوای لە حکومەتی هەرێم کرد، چاوخشانەوە بە کرێی گرێبەستە موساتەحەکان بکات، چونکە وەکوو داواکاری گشتی ئاماژەی پێکردبوو نرخەکان بەشێوەی ڕەمزی بەکرێدراون. [1]