زەردەکەوێ لەبن دەوێ
ئەقاسپێنێ دانی دەوێ
زەردەکەو جۆرێک کەوی کوێستانییە لە چیاکانی کوردستان بوونی هەیە. دەو: دەوەن، جارجار بۆ پشوودان کەوی دەچێتە بن، ئەقاسپە: دەنگی کەوە، واتە: کەو لەبن دەوەندا دەخوێنیت، بەڵام مەبەستی مەتەڵەکە ئاشە، (ئاش: ئامێرێکی کەلەپووری کوردییە، بۆ هاڕینی دانەوێڵە بەکاردێت) ئاش بە زەردەکەو چووێنراوە و دەنگی بەرداشی ئاش بە قاسپەی کەو. هەروەها ئاش و کەو هەردووکیان دانەوێڵەیان دەوێت، ئاش دەیهاڕێت و کەو دەیخوات. وەڵام (ئاش) . [1]