هەر پارچێ جە هەقیقەتی کۆتەن لاو کەسێوە
نویستەی: #ئیبراهیم میکە عەلی#
وچیان: ڕاسی و حەقیقەت شیشێوەبۍ کەوتەرەو مەڕیاو حەر پارچېوەش کەوت یاگێوە و لاو کەسێوە.
بڕېوە فرە چا بەنام ڕاسیا هەکە ئیسەتیٛ ئینێ وەرو دەساما و سەرو زوانیماوەو گیٛرە دلیٛ دڵی و ویروباوەڕیچمانەبا، چا درواوە ئامێنیٛ دی هەکە وەڵینا بە ڕاسی بە خەڵکیشا ئەژناسێنیٛ و نەتیجەو فرە واتەیۆیشا و نویستەیۆیشانە سەرو تەوەڼویسەکاو دلیٛ نویسیایەکاشانە، ئەو خەڵکی سادەی کریێنیٛ بە ڕاسی و حەقیقەت و ئیسەتیٛ لاو خەڵکی عاڎەتیۆ لادای چا دروا ئۆسای و بەنام ڕاسیا ئیسەیە، بە کەتنە و قەباحەت دریوٙ قەڵەم.
بەڵگەیچ پەی ئی قسیٛ، ئا گردە درۋیٛ دەسەڵاتدارانیٛ هەکە ئیسەتیٛ خەڵک بە گوٙشیٛ ویٛش مژنەوشا و نمەتاووٙ ڕەڎشا بدوٙوە، پەوچی دڵهیٛقمیٛ بیدیٛ ئی درویٛ ئیسەیچە پیٛسەو دروەکا زووی بەنامیٛ ڕاسیۆ ملا دلیٛ تارېخی و نویسیایەکا.[1]