کورد دلۍ چەرخەکا تاریخینە
بەشۍ: سەڎ و یاڼزەهەمە
نویستەی: #هاوڕێ باخەوان#

ساڵەو (1752ز): ئەچی ساڵېنە خەسرەوخانو ئەردەڵانی، ئامان چېرو سایەو بابانەکا.
ساڵەو (1753ز): عەلی مەردان خان سەردارو بەختیارییەکا، ئەچی ساڵېنە کوشېیان بە دەسو کەسێ بە نامۍ موحەمەڎ خانی. حەزرەتو شېخ مارفو نۆدێ ئەچی ساڵېنە ئامان دنیاوە. هەر ئەچی ساڵېنە والی بەغڎای هېرشش کەردەن پەی سەرو میرنشینو بابانی، هەر ئەچاگە سلێمان پاشا کوڕو خالید پاشایش کەردەن بە میرو بابانی.
ساڵەو (1754ز): ئەچی ساڵېنە خەسرەو خانی گۆرە بېیەن بە میرو ئەردەڵانی.
ساڵەو (1756ز): کەریم خانو زەندی ئەچی ساڵېنە شارو ئەسفەهانیش گېرتەن. هەر ئەچی ساڵېنە میرو سۆرانی (میر ئەحمەڎ ئۆغوز بەگ)، بە نەوەشی زېڵی کۊچی دمایینش کەردەن. زانای ئایینی ناوچەو هۆرامانی (شېخ موحەمەڎ وەسیم) بە نەوەشی چەمەقووڵەی ئەچی ساڵېنە کۊچی دمایینش کەردەن، ئی زانا گۆرە مامۊساو سڵێمان پاشاو بابانی بېیەن جە قەڵاچوالان.
ساڵەو (1757ز): ئەچی تاریخەنە چڼیین کارەساتۍ و نەهامەتیۍ ڕوەشان دێنە:
کەم ۋارانی و ۋشکەساڵی ڕوەش کەردېنە کوردەسانی، گرانی وەڵابېیەنۆ، زیاتەریچ دلۍ ناوچەکانو دیاربەکرینە، کە بېیەن بە هۊکارو کزبېیەی ژمارەو نیشتەجایەکا.
سڵێمان پاشاو بەغڎای کوشیان.
وەڵابېیەیۆ نەوەشی چەمەقووڵەی دلۍ پانیشتو کوردەسانینە بە شېوێ وەروەڵا.
سەلیم پاشاو بابانی کوشېیان.[1]