ناو: سەید ئەحمەد
نازناو: حەسەنی فەرد
ساڵی لەدایکبوون: 1940
ساڵی کۆچی دوایی: 2019
شوێنی لەدایکبوون: #مەهاباد#
شوێنی کۆچی دوایی: #تەورێز#
$ژیاننامە$
سەید ئەحمەد حەسەنی فەرد لێکۆڵەر و نووسەر ساڵی (1319هەتاوی) 1940ز. لە شاری مەهاباد لەدایکبووە.
ساڵی (1356هەتاوی) 1977ز. لە زانستگەی تاران بڕوانامەی کارناسیی کۆمەڵناسی وەرگرتووە و ماوەی 30 ساڵ وەکوو مامۆستا لە قوتابخانەکانی شاری مەهاباد وانەی کۆمەڵناسی وتووەتەوە.
دیوانە شیعرێکی چاپ کراوە و زیاتر لە 8 بەرهەمی دیکەشی ئامادەی چاپکردنە.
بە یارمەتیی مامۆستا حەسەنی فەرد دیوانی شیعرەکانی #مەلا مارف کۆکەیی# لە ماوەی 65 ساڵاندا کۆ کراوەتەوە و بە چاپ گەیشتووە.
سەید ئەحمەد حەسەنی فەرد شاعیر و نووسەر، ساڵی 2019ز. لە شاری تەورێز کۆچی دوایی کرد. لە گۆڕستانی شاعیران و هونەرمەندانی مەهاباد بە خاک سپێردرا. [1]