کورد دلۍ چەرخەکا تاریخینە
بەشۍ: سەڎ و هەشتا و یەرەمە
نویستەی: #هاوڕێ باخەوان#
ساڵەو (1867ز): چن تۊمارێ پېوەس پی ساڵېوە ئینێ وەردەسەنە:
* ئەچی ساڵېنە، ئامارو نیشتەجایا پانیشتو کوردەسانی (365000) کەسۍ بیېنۍ.
* شېخ سیراجەدینو تەۋېڵۍ، ئەچی ساڵېنە کۊچی دمایینش کەردەن، شېخی سیراجەدین چەنی پایە ئایینی و عیرفانیەکەیش، شاعېریچ بییەن.
* پیرەمێردی شاعېر ئەچی ساڵېنە، دلۍ شارو سلێمانی ئامان دنیا، نامېش تۆفیق مەحموود ئاغاو هەمزەئاغاو مەسرەفین.
* ئەچی ساڵېنە (ڤامبەری) گەشتێش پەی کوردەسانی کەردەن.
* ئەچی ساڵېنە، ناسرەدین شاو قاجاری، فەرهاد میرزای مامۊش کەردەن والی سنەی، پا تەرزە خانەڎانەکۍ ئەردەڵانی بە یەکجاری فەرمانڕەوایی سنەیشان دەسەنە بەرشی.
* ئەچی ساڵېنە نسبەو باجو زەمینی بییەن بە سەڎەنە (12.1:2)، ویلایەتو ئەرزەڕۆمی (184.470) لیرۍ ئاڵتونیېش دێنۍ خەزېنەو عوسمانی.[1]