ئەمڕۆ ئێوارە #07-04-2023# کاتژمێر 4:18 خولەک لە نزیک سیاجی فڕۆکەخانەی نێودەوڵەتی #سلێمانی# تەقینەوەیەک ڕوویدا کە تیایدا هیچ زیانێکی گیانی و ماددی نەبوو و بووە هۆی ئاگرکەوتنەوە، دەستبەجێ تیمەکانی بەرگری شارستانی فڕۆکەخانە گەیشتنە شوێنی ڕووداوەکە و ئاگرەکەیان کۆنترۆڵ کرد.

‎لە ئێستادا هێزەکانمان سەرقاڵی لێکۆڵینەوەن لە ڕووداوەکە و لە داهاتوودا زانیاری زیاتر بڵاو دەکەینەوە.
هاووڵاتییان و گەشتیارە بەڕێزەکان ئاگاداردەکەینەوە، کە هیچ گرفتێک لە فڕۆکەخانە نییە و گەشتەکان و کاروبارەکانی فڕۆکەخانە بەشێوەی ئاسایی خۆیان بەڕێوەدەچن. [1]

بەڕێوەبەرایەتی ئاساییشی
فڕۆکەخانەی نێودەوڵەتی سلێمانی
07-04-2023

زۆر بەتوندی ئیدانەی هێرشکردنەسەر فڕۆکەخانەی نێودەوڵەتی #سلێمانی# دەکەین و بە پێشێلکارییەکی مەترسیداری سەروەریی ئێراق لە قەڵەمی دەدەین.
ئەو پەلامارە ھاوکاتە لەگەڵ داخستنی ئاسمانی تورکیا بەڕووی فڕۆکەخانەی سلێمانیدا، ئەم پێشھاتانە ئاماژەی دۆخێکی نەخوازراون کە لێکەوتە و کاریگەریی خراپیان دەبێت و ھیچ پاساوێک نابینین بۆ ئەم دۆخە، لایەنی تورکی ھێشتا ئێراقی ئاگادار نەکردۆەوە و ھیچ پاساوێکی بۆ ئەو ھەنگاوەی لە دژی فڕۆکەخانەی سلێمانی نەخستۆتەڕوو.
لەگەڵ وەزارەتی دەرەوەی ئێراق و لایەنە پەیوەندیدارەکان گفتوگۆمان کردووە و بەردەوام لەسەر ھێڵین، ھەموو ڕێگەیەکی سیاسی و دیبلۆماسی دەگرینەبەر و ھەوڵی گفتوگۆ و ڕاستکردنەوەی ئەو دۆخە نەخوازراوە دەدەین لەگەڵ حکومەتی تورکیا و باڵیۆزخانەی ئەو وڵاتە لە بەغدا.[1]

دیلان غەفور
سەرۆکی لیژنەی پەیوەندییەکانی دەرەوە لە پەڕڵەمانی ئێراق

هێرشکردنە سەر فڕۆکەخانەی نێودەوڵەتیی #سلێمانی# و هەوڵە نەزۆکەکەی نۆکەرانی بێگانە بەتوندی ئیدانە دەکەین کە ئامانج لێی تێکدانی ئاسایشی سنووری سلێمانییە.

کردەی تاوانکاری و بەزاندنی سنووری هەرێم و عیراق بە چاوساغی و رێنیشاندانی لایەن و دەزگایەکی ئەمنی هەواڵگریی ناوخۆیی، حاڵەتێکی نامۆ نییە و مێژوویەکی درێژمان لەگەڵیدا هەیە. بەڵام سلێمانی و مێژووەکەی، سلێمانی و خەڵکەکەی زۆر لەوە گەورەتر و قارەمانترن کە خەیاڵی پووچی لایەنێک ناو و ناوبانگی لەکەدار بکات و ژیانی خەڵکەکەی تێکبدات.

#یەکێتیی نیشتمانیی کوردستان# لە رابردوودا لەپێناو پاراستنی تەبایی و بەدیهێنانی بەرژوەندییە باڵاکانی گەلەکەمان پشوودرێژ بووە، بەڵام بەردەوامیی رەفتارە نەشیاو و ناپەسەندەکانی بەشێک لە دەزگا ئەمنییەکانی لایەنێکی سیاسی لەژێر سایەی حکومەتێکی تاکڕەو و خۆسەپێندا، هەموو سنوورێکی بەزاندووە و دۆخەکەی گەیاندووەتە بنبەست.

ئێمە شانازی بە کوردبوون و کوردایەتیی خۆمانەوە دەکەین. کوردستانمان لە دڵماندا هەڵگرتووە و لەپێناو ژیانی خەڵکەکەمان رووبەڕووی هەموو مەترسییەکان بووینەتەوە و دەبینەوە. تێکدانی ئارامیی هەرێم و شاری سلێمانی هێڵی سوورە.

جارێکی تر و بە دەنگێکی بەرزتر دەیڵێینەوە، یان کوردستان یان نەمان.[1]

بافڵ #جەلال تاڵەبانی#
سەرۆکی یەکێتیی نیشتمانیی کوردستان
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

وەزارەتی دەرەوەی تورکیا لە تویتەر لە بڵاوکراوەیەکدا بەناوی تانجۆ بیلگێتش وتەبێژی وەزارەتی دەرەوە دەربارەی ڕاگرتنی گەشتەکانی فڕۆکەخانەی نێودەوڵەتی سلێمانی دەڵێت: (داخستنی بواری ئاسمانی تورکیا بەڕووی فڕۆکەخانەی #سلێمانی# لە ئێراق لە #03-04-2023#ەوە دراوە و بۆ ماوەی 3 مانگ تا #03-07-2023# وەک قۆناغی یەکەم بەردەوام دەبێت).

وەزارەتی دەرەوەی تورکیا هۆکارەکەی بۆ زیادبوونی چالاکی پەک*کە لە سلێمانی گێڕاوەتەوە و ئاماژەی بەوەداوە ڕێکخراوەکە دزەی کردووەتە ناو فڕۆکەخانەی نێودەوڵەتی سلێمانییەوە و مەترسی لەسەر ئاساییشی فڕۆکەوانی درووست کردووە.
وتەبێژی وەزارەتی دەرەوە لە دوای 3ی تەممووز پێداچونەوە بەبڕیاری داخستنی بواری ئاسمانی فڕۆکەخانەکە پەیوەست دەبێت بەو پێشهاتانەی کە تا ئەو کاتە دێنە پێش. [1]

بەڕێوبەری فڕۆکەخانەی سلێمانی ڕایگەیاند، ساڵی ڕابردوو هەشت هەزار و 464 فڕۆکە لەفڕۆکەخانەی سلێمانیەوە هاتوون ڕۆشتوون، 156 بەڵگەنامەی ساختە دەستیبەسەرداگیراوە.
تاهیر عەبدوڵا ئەمڕۆ لەکۆنگرەیەکی ڕۆژنامەوانیدا ئامارو چالاکیەکانی ساڵی 2016ی ڕایگەیاند، بەپێی ئامارەکان، "هەشت هەزار و 464 فڕۆکە لەرێگەی فڕۆکەخانەی سلێمانیەوە هاتوون و ڕۆشتوون، هەروەها 16 هەزار و 570 تەن کەلوپەل هاتووەتە ناو هەرێمی کوردستانەوە.
هەروەها ئاماژەی بەوەکرد، لەساڵی ڕابردوودا 156 بەڵگەنامەی ساختە دەستی بەسەرداگیراوە، خاوەنەکانیشیان ڕووبەڕوی ئاسایش کراونەتەوە، بۆ ئەوەی لێکۆڵینەوەیان لەگەڵدا بکرێت، هەروەها 369 کەس لەفڕۆکەخانەی سلێمانیەوە سنورداش کراونەتەوە بەهۆکاری جیاواز.
هەر بەپێی ئامارەکانی فڕۆکەخانەی سلێمانی، بڕی سێ هەزار و 410 تەن کەلوپەل و پێداویستی لە لەکوردستانەوە ڕۆشتووەتە دەرەوەی هەرێم.
بەڕێوەبەری فڕۆکەخانەی سلێمانی هەروەها وتیشی "هەزار و 595 کەس لەدەرەوەی وڵات بەیەکجاری هاتوونەتەوە هەرێمی کوردستان، لەرێگەی ڕێکخراوی کۆچی جیهانیەوە (IOM)ەوە 295 کەس بۆ هەرێمی کوردستان گەڕێنراونەتەوە فڕۆکەخانەی سلێمانی، هەورەها دوو هەزار و 884 ڤیزا دراوە بەهاوڵاتیان بەپێی ڕێنماییەکانی وەزاەرەتی ناوخۆ".
- 05-01-2017

#10-11-2018#

بەتوندی ئیدانەی ھێرشەکەی سەر فڕۆکەخانەی نێودەوڵەتی #سلێمانی# دەکەین، پێمان وایە ئەم جۆرە هێرشانە سەرەڕای بەئامانج گرتنی ئارامی شاری خۆشەویستی سلێمانی، پێشێلکردنی سەروەری خاکی هەرێم و ئێراقیشە.

لەھەمان کاتدا بەتوندی سەرکۆنەی ڕاگەیەنراوی کەسێک بەناوی #جوتیار عادل# دەکەین کە بەر لە ھەمووشتێک قسەکانی بێڕێزی کردنە بە دامەزراوەکانی حکومەتی ھەرێم، ئەم مامەڵە نابەرپرسانە خزمەت بەھیچ کەس ناکات بەڵکوو لەسەر خودی سەرۆکی حکومەتی ھەرێم ماڵە، کە لە جیاتی سەرکۆنەی دەستدرێژییەکەی سەر فڕۆکەخانەی سلێمانی بکات، پاساو بۆ ھێرشەکە دەھێنێتەوە، ئەوەش بە پێشھاتێکی زۆر مەترسیدارتر دەزانین کە ئامانج لێی قوڵکردنەوەی ناکۆکیەکان و تێکدانی یەکڕیزی خەڵکی کوردستانە.

لە کۆتایدا ئۆباڵی لێکەوتەکانی تێکدانی یەکێتی و یەکریزی خاک و خەڵکی کوردستان ئەکەوێتە ئەستۆی خودی #مەسرور بارزانی# وەک سەرۆکی حکومەت. [1]

فراکسیۆنی سەوز لە پەڕڵەمانی کوردستان
#07-04-2023#

فڕۆکەخانەی نێودەوڵەتیی #سلێمانی# دەکەوێتە بەکرەجۆ بەدووری 15 کیلۆمەتر لە شاری سلێمانی، فڕۆکەخانەکە لەساڵی 2003 بەردی بناغەی بۆ دانراو و لەساڵی 2005 بەتەواوی بەکار خرا.
چون و هاتن
ئەو شارانەی کە لەڕێگای فڕۆکەخانەی سلێمانی گەشتیاران دەتوانن گەشتەکانیان بەئەنجام بگەیەنن.
مالمۆ و ستۆکهۆڵم لە سوید
ئەستانبۆڵ لەتورکیا
لارناکا لەقوبرس
دوبەی لە ئیمارات
دوسلدۆرف ومیونخ لە ئاڵمانیا
عەممان لە ئەردەن
هەولێر لە کوردستانی باشوور
بەغداد و نەجەف لە عێراق
تاران لەئێران
بەیروت لەلوبنان
دیمەشق لەسووریا
دۆحە لە قەتەر

فڕۆکەخانەی #سلێمانی# ئاماری گەشت و چالاکییەکانی ساڵی ڕابردووی بڵاوکردەوە و ئاشکرایکرد، ژمارەی گەشتیاران لە ساڵی 2017 بە بەراورد بە ساڵی پێشوتر بەرێژەی 7% کەمیکردووە.
ئەمڕۆ پێنجشەممە 4ی کانونی دووەمی 2018 تاهیر عەبدوڵا، بەڕێوەبەری گشتی فڕۆکەخانەی سلێمانی لە کۆنگرەیەکی ڕۆژنامەوانیدا ڕایگەیاند، بەهۆی گەمارۆ و بڕیاری بەغدا لەبارەی ڕاوەستاندنی گەشتە نێودەوڵەتییەکان فڕۆکەخانەکانی هەرێم گەشتەکانی فڕۆکەخانەی سلێمانی کەمیکردووە.
وتیشی له و ڕووەشەوە ژمارەی گەشتیاران کە پێشتر مانگانە لەنێوان 30 بۆ 40 هەزار گەشتیار بوو، ئێستا گەیشتوەتە نێوان حەوت بۆ هەشت هەزار گەشتیار بەتایبەت لە سێ مانگی ڕابردوودا.
تاهیر عەبدوڵا ڕونیشیکردەوە، تێکڕای ژمارەی گەشتیاران لە ساڵی 2017 بریتی بووە لە زیاتر لە 485 هەزار گەشتیار، کە بە بەراورد بە ساڵی پێشووتر بە ڕێژەی 7% کەمیکردووە.
سەبارەت بە پڕۆژەکانیشیان بەڕێوەبەری فڕۆکەخانەی سلێمانی ڕایگەیاند، گرێبەستێکیان واژۆکردووە بەمەبەستی هێنانی تاقیگەیەک کە تیایدا کۆڕ و ڕاهێنانی تایبەت بە چاودێرانی ئاسمانی تیا ئەنجامدەدرێت.
ئەوەشی خستەڕوو، لە هەردوو ڕووی ئاسایشی فڕۆکەخانە و فراوانکردنی تێرمیناڵ پڕۆژەیان هەیە و گرێبەستیان واژۆکردووە بەمەبەستی باشترکردنی کارەکانی فڕۆکەخانەکە.[1]
#04-01-2018#

بەداخەوەچەند ڕۆژێکە دیاردەیەکینادروست دەبینرێت کە ئاڕاستەکردنی تیشکی لێزەرە له و فڕۆکانەی کە دەگەنە ئاسمانی #سلێمانی#، کە بێگومان ئەمەش کاریگەری ڕاستەوخۆی دەبێت لەسەر سەلامەتی فڕۆکەوانی و هەڵوێست وەرگرتنی ئه و هێڵە ئاسمانیانەی کە گەشتەکانیان بۆ فڕۆکەخانەی نێودەوڵەتی سلێمانی ئەنجام دەدەن، ئەمەش لە کاتێکدایە کە ڕۆژی 7-10-2019 هێڵی ئاسمانی قەتەری لە ئاگاداری نامەیەکدا کە بۆ فڕۆکەخانەی نێودەوڵەتی سلێمانی ناردووە سکاڵای ئه و دیاردەیان خستۆتەڕوو، بۆ ئه و مەبەستە ئاسایشی فڕۆکەوانی فڕۆکەخانەی نێودەوڵەتی سلێمانی هەڵمەتێکی بەرفراوانی دەستپێکردوە لە ڕێگەی تیمەتایبەتەکانی بە هێلیکۆپتەر و مەفرەکانی تری بۆ گەڕان بەدوایی ئه و کەسانەی کە هەڵدەستن به و کارە نابەجێیانە و دەستگیرکردنیان بەپێی یاسا و لێپیچینەوەیان لەگەڵ دەکرێت تووشی تووندترین سزا دەبن.
#فڕۆکەخانەی سلێمانی#[1]
#08-10-2019#