کوردیپێدیا - فۆڕمی تۆمارکردنی بابەت

🏠 دەستپێک
فۆڕمی تۆمارکردنی بابەت | لە‎یادە مەزنەکەدا، پەیامێک بۆ مامی‌ مەزن
ناوی نێرەر:
ئیمێڵی نێرەر:
ناوی بابەت:
🏳️ زمانی بابەت:
🏷️ پۆل:
درێژەی بابەت:
لە‎یادە مەزنەکەدا، پەیامێک بۆ مامی‌ مەزن
‎سڵاو باوکە گیان، هەڤاڵ #مام جەلال#
‎ئەمڕۆ هەموومان پێکەوە یادی‌ پڕ شکۆی‌ ئه و حزبە مەزنە دەکەینەوە، کە 42 ساڵ لەمەوبەر لەگەڵ هاوڕێ‌ و هاوڕێبازەکانت لەدژوارترین بارودۆخدا کۆڵەکەکەیتان دامەزراند، ئەوەی‌ ئێوە کردتان تەنیا دروستکردنی‌ هێزێکی‌ سیاسی‌ و چەکداری‌ و پارتیزان نەبوو، بەڵکو بەهەموو مانایەک هەڵگیرساندنی‌ شۆڕشێکی‌ نوێ‌ بوو، شۆڕشێک کە هەموو خەڵکی‌ کوردستان پشتیوانیان کرد هەر لەشوێنکردنەوه  و بەشکردنی پارووە نان،‌ تادەگاتە گیانبەخشین، بۆیە لەمڕۆژەدا پیرۆزبایی‌ لەتۆ و هەموو کەسوکاری‌ سەربەرزی‌ شەهیدان‌ و پێشمەرگه  و کەمئەندامانی سەنگەر و زیندانییە سیاسییەکان و رێکخستنە دێرینەکان‌ و هەموو هەڤاڵانی‌ یەکێتی‌ نیشتیمانی  و گشت خەڵکی‌ کوردستان دەکەم.
‎خۆشبەختییەکی‌ گەورەیە کە مەشخەڵەکەی‌ ئێوە تائێستاش گڕەی‌ دێت و وەک خۆت فەرمووت یەکێتییەکان بەهەق سەلماندیان سەفین لەبن دێ‌، بەڵام یەکێتی‌ لەبن نایێ‌.
‎وەک چۆن جەنابت لەرۆژە سەخت  و دژوارەکاندا هەمیشە هیوا و گەشبینیت دەبەخشییەوە، پڕ بەدڵ حەزم دەکرد منیش ئەمڕۆ لەم نامەیەدا مزگێنی‌ باشیی‌ بارودۆخی‌ سیاسی ‌ و ئەمنی ‌ و ئابوری‌  و مرۆییت پێبدەم، بەڵام بەداخم به و شێوەیە نییه  و دڵنیام هەموو شتێک بەدڵی‌ تۆ نییە، بێهیوایی‌ لەهەندێ‌ رەفتار و گفتار هەندێجار زۆربەمان دەگەیێنێتە ئه و بڕوایەی‌ بڵێین ئەم بارە لارە تەنیا بەگۆچانەکەی‌ مام راست دەکرێتەوە.
‎پڕ بەدڵ حەزمان دەکرد بارودۆخی‌ حوکمڕانیمان بەشێوەیەک بووایە کە خزمەتی زیاتری خەڵکی‌ کوردستانمان بکردایە و گوزەرانێکی‌ شایسته  و گونجاومان بۆ هەمووان دابین بکردایە، بەڵام زروفی‌ شەڕ و قەیرانی‌ ئابوری‌ لەدەرەوەی‌ ئیرادەی‌ خۆمان بارودۆخەکەی‌ شێواند و بوونە مایەی‌ بارگرانی‌ بۆ خەڵک، بەدڵنیاییەوە ئەمەش خەتای‌ ئێمەی‌ تێدایه  و وەک چۆن شانمان داوەتە بەر باری‌ ئه و ئەرکە، دەبێت بەرپرسیارێتییەکەشی‌ هەڵبگرین.
‎مامە گیان، ئێوە بۆ من تەنیا باوکێک نەبوون، بەڵکو مامۆستا و خوێندنگا و رێبازێک بوون کە شوێنکەوتنی‌ هەمیشە مایەی‌ شانازی‌‌ و سەربەرزییە، ئەگەر سەرکەوتنێکمان بەدەستهێنابێت لەچاوی‌ حیکمەت و دنیابینی‌ تۆ دەیبینین، ئەگەر دوچاری‌ شکستێکیش هاتبین ئەوا بەهۆی‌ غیابی‌ تۆوەیە کە حەوسەڵە و ئۆقرەیی‌ لێ‌ بڕیوین.
‎ئه و مێژووە پڕ شکۆیەی‌ ئەمڕۆ یەکێتی‌ پێی‌ گەیشتووە، لەسێبەری‌ فەلسەفەی‌ بەڕێوەبردنی‌ تۆدایە، هەر تۆ فێرت کردین وڵاتمان لەخۆمان زیاتر خۆش بوێت‌ و یەکێتی‌ نەکەینە ئامانج، بەڵکو وەسیلە بێت بۆ خزمەتکردنی‌ کۆمەڵانی‌ خەڵکی‌ کوردستان.
‎هەرچەندە هەموومان سورین لەسەر پەیام‌ و ئامانجەکەت، بەڵام ساڵ بەساڵ پشوودان‌ و غیابی‌ تۆ زیاتر پێوەمان دیاری‌ دەدات، ئێستا لەوە تێدەگەین چۆن لەچەقی‌ قەیرانەکاندا بەهەنگاوێکی‌ ژیرانە ئاشتەواییتان دەخستە نێوماڵی‌ کورد و دڵی‌ هەموو خەڵکیتان خۆش دەکرد.
‎لەدوای‌ ساڵانی‌ شەڕی‌ ناوخۆ، ئەوەندە بەس بوو بۆ ئەوەی‌ حیکمەت‌ و مەردایەتی‌ بنوێنیت‌ و بەدوو ئۆتۆمبێلەوە روو لەسەری‌ رەش بکەیت  و لەگەڵ کاک مەسعود خاک‌ و ئیدارەی‌ باشووری‌ کوردستان یەک بخەیتەوە.
‎پاش ماوەیەک لەنیگەرانی‌‌ و دڵئێشان، هەر تۆ بوویت لەگەڵ کاکە نەوەی‌ رۆح شادی‌ هاوخەبات  و هاوسەنگەرت ئاشتبوونەوەی‌ یەکێتی‌‌ و گۆڕانتان راگەیاند و رێککەوتننامەیەکی‌ نیشتیمانیتان هێنایە بەرهەم.
‎زۆر بەداخم کە ئەمساڵ لەکاتێکدا یادی‌ یەکێتی‌ دەکەینەوە کە هاوڕێی دێرینی تۆ و یەکێ لەدامەزرێنەرانی حیزبەکەمان، کاکە نەوە جێی‌ هێشتوین، چاومان لەسەر ئەوە بوو ئەمساڵیش وەک پار بەحزوری جەنابت بهاتایە بەشداری‌ خۆشییەکەی‌ لەگەڵ بکردینایە و لەگەڵ هاوخەباتە دێرینەکانیدا دەستی‌ سەرکەوتنیان بەرز بکردایەوە، بۆیە وەک پێشتریش وتومە، وەفاداری‌ بۆ مام جەلال و کاکە نەوە بەوە دەبێت رێز لەئیمزاکەیان بگرین  و رێککەوتننامەی‌ یەکێتی ‌ و گۆڕان وەک ئەوەی‌ ئەوان خواستیان بوو جێبەجێ‌ بکەین.
‎باوکە گیان، راستە غیاب و پشووی ناچاریی‌ تۆ هەموومانی‌ شەکەت کردووە، بەڵام بەوە سەربەرزین فێری‌ خۆڕاگری‌‌ و تۆکمەییت کردوین‌ و رێبازێکت داڕشتووە کە چەند بکەوین بەهێزتر هەڵدەستینەوە و درێغی ناکەین لەخزمەتکردن لەپێناو خێروخۆشی‌‌ و تەبایی کۆمەڵانی خەڵکی کوردستان.
‎سوپاس کە هەمیشە پشتیوانمان بوویت، لەوەفای ئه و دڵسۆزییەی‌ تۆشدا بەهەزاران کادیر و لایەنگری‌ چست‌ و چالاکی‌ یەکێتی‌ نیشتمانی کوردستان بەڵێنی‌ دڵسۆزی‌ بۆ رێبازەکەت دووپات دەکەنەوه  و دڵنیابە کۆڵ نادەین تا یەکێتی‌ و کوردستان دەبەینەوە سەر لوتکەی‌ سەرکەوتنەکان.
کوڕی‌ موخلیست
#قوباد تاڵەبانی# 
01-06-2017
⚠️ چاککردنی بابەت: تکایە گۆڕانکارییەکانت لەم خانەیەدا بنووسە!
سەرچاوە:
Kurdipedia.org (2008 - 2021) version: 13.01
| 📩 contact@kurdipedia.org | ✔️CSS3 | ✔️HTML5
| کاتی ئافراندنی لاپەڕە: 0,141 چرکە!
☎ +9647701579153 +9647503268282
|
☎ +31654710293 +31619975574