قاچ، قارچ، قاچک، کوارگ، کارگ، کافیرک، کەفارگ، ڕووەکێکە لە بنەماڵەی Agaricaceae، قارچک لە سەرەوە چەترییە و لە لە ژێریشەوە پەڕەپەڕەیە و لاسکێکی نێوبێشی کورتی هەیە، قارچک لەو ڕووەکانەیە کە گوڵ و کلوروفیل Chlorophylleیان نییە. گوەپسک یان کارکە گولانە جۆرێ قارچکە بە کەڵکی خواردن نایە. قارچکە مارانەش هەر بۆ خواردن نابێ، بەڵام قارچکە کەما کە زوتر لە کوێستانان و لە بن گیای کەمادا ئەڕوێ یەکێکە لە باشترین جۆری قارچک و بۆ دەرمانیش دەشێ. قارچکە مێرگانە و قارچکەلۆ دوو جۆری دیکەی قارچکن. بە فەرانسەیش Champignon comestibelی ئێدەڵێن. لە ف.م. و م.گ. کەڵک وەرگیراوە. سەیری کارگ بکە.
دیارە قارچک چەند جۆری هەیە، بەڵام دووانیان لە کۆنەوە ناسراو، ڕەسەن و باون کە ئەمانەن:[1]
1- Agaricus campestris L
2- Agaricus osteratus (Jacuq) Fries