لەساڵی 1963 لە گەڕەکی سێتاقانی شاری هەولێر لەدایکبووە، لەساڵی 1975 لە قۆناخی خوێندن لەچالاکی قوتابخانەکان دەستی بە گۆرانی و سروود گوتن کردووە.
یەکەم بەرهەمی تەلەڤزیۆنی بەبۆنەی 6ی کانونی ساڵڕۆژی دامەزراندنی سوپای ئێڕاق لە کەناڵی بەغدا لە ساڵی 1982 تۆمارکردووە، لەهەمان ساڵیشدا لە تەلەڤزیۆنی کەرکووک بە ڕەش و سپی گۆرانییەکی تۆمارکردووە بەناوی (ئەرێ هۆ لەیلی) لەگەڵ تیپی هونەری هەولێر بە یارمەتیی موزیسیان وریا ئەحمەد.
نیزام شوکر 3 جار چووەتە دەرەوە بۆ کۆنسێرت و ئاهەنگکێڕان. ئێستا وازی لە کاری هونەر هێناوە و خەریکی خوێندنی مەولوود و خەتمی ئایینییە.