دەزگایەکی پسپۆرە لەبوارەکانی هەڵبژاردن و پراکتیزەکردنی دیموکراتییەت، لەسەر داوای زۆربەی هەرەزۆری ئۆرگانەکان و ڕێکخستنەکانی پارتی دیموکراتی کوردستان و بەبریاری مەکتەبی سیاسی، لەرێکەوتی 26-02-2005 دامەزراوە و (جەعفەر ئیبراهیم) ئەندامی کۆمیتەی ناوەندی و بەرپرسی مەکتەبی ناوەندی دیراسات و پێگەیاندنی حزبی، ڕاسپێردراوه، بۆ ئەوەی بەرپرسیاریەتی ئەم دەزگایەبکات و بناغەی پێکهاتەو کارنامەیەکی کارو چالاکیی بۆ دابندرێت و بەشێوەی دەزگایی و مۆدێرن ئیش و کارەکانی ئەنجام بدات.
بەگشتی ئەم دەزگایە لەسەر ئەم بنەمایانەی خوارەوە کار دەکات:
پابەندبوون بەپرەنسیب و بنەماکانی دیموکراتییەت و ئازادییەسەرەکییەکان.
پابەندبوون بەپرەنسیپەکانی ڕاشکاوی و شەفافییەت.
پابەندبوون بەپرەنسیپەکانی مەرکەزییەتی دیموکراسی. واتە وەکوو هەموو دەزگاکانی تیری پارتی چالاکی ئەنجام دەدات.
پابەندبوون بەپرەنسیپەکانی (بەرپرسیاریەتی بەکۆمەڵ) بێ ئەوەی ڕێگا لەتوانای تاکەکەس و ڕووحییەتی داهێنان و هەست بەمەسئوولییەت کردنی تاک بگرێت.