ساڵی 1976 لەشاری قەلادزێ لەدایکبووەو تا پۆلی سێیەمی ناوەندی خوێندووە، لەساڵی 1991 لەریزەکانی کۆمەڵەی خوێندکارانی کوردستاندا کاریکردووەو هاوکات ئەندامی ڕێکخستنەکانی (ی.ن.ک) بووە.
ساڵی 1993 چووە ناو ڕیزی هێزی پێشمەرگەی کوردستانەوەو دواتر چووەتە هێزی پارێزگاری مەکتەبی سیاسی (ی.ن.ک) و لەو ماوەیەشدا بەشداری چەندین نەبەردی کردووە.
لەگەڵ دەستبەکاربوونی دکتۆر بەرهەم لەپۆستی سەرۆکی حکومەتی هەرێمی کوردستان، شەهید شوان بووە بەیەکێک لەدەستەی پارێزگاری سەرۆکی حکومەت، بەلام بەداخەوە ڕۆژی 02-04-2009 لەگەڵ هاوڕێکانیدا چووە دنیای نەمری و شەهید کرا.