ئەم بنێشتە ڕەنگی سپییە و لە دارەبەن دەردەهێندرێت. دارەبەن یان دارقەزوان لە شاخەکان بە تایبەت شوێنی سەخت دا هەیە، ئەم دارە جگە لە بنێشت قەزوانیشی هەیە، بنێشت کردنیش لە نیوەی مانگی (6) و (15/8) کۆتایی پێ دێت، هەر دارەبەنێک بە "تەمشوێ" لە ژمارەیەک شوێن بریندار دەکرێت و بەقەت دەستێک سپی دەکرێت، ژمارەی ئەم شوێنانە لە داری واهەیە دەگاتە (50) شوێن و ئینجا بە قوڕی تایبەت (کوچیلە)ی بۆ دروست دەکرێت و بنێشت دەچێتە ناوی.