ناو: شەفیق
نازناو: شەفیق ئاغا چەلەبی
ناوی باوک: ئەحمەد عەبدولفەتاح ئیسماعیل
ساڵی لەدایکبوون: 1912
ڕۆژی شەهیدبوون: #27-06-1980#
شوێنی لەدایکبوون: شاری #سلێمانی#
شوێنی شەهیدبوون: شاری سلێمانی
$ژیاننامە$
سیاسەتمەدار، لە هاوکارانی شۆڕشی دووەمی بارزان بووە، ساڵی 1966 لە کۆنگرەی حەوتەمی #پارتی دیموکراتی کوردستان# بە ئەندامی یەدەگ کۆمیتەی ناوەندی پارتی دیموکراتی کوردستان هەڵبژێردراوە، جێگری پارێزگاری #کەرکووک# و ساڵی 1974 کراوەتە پارێزگاری سلێمانی لەلایەن ئەنجووومەنی سەرکردایەتی شۆڕشی ئەیلوولەوە، لە ڕێکەوتی 27-06-1980 لە شاری سلێمانی شەهید کرا.
لە پارێزگای سلێمانی دایکبووە، دەرچووی قۆناغی سەرەتاییە، لە بنەماڵەی دوانزە سوارەی مەریوانە، ساڵی 1930 بەشداری لە خۆپیشاندانی بەردەرکی سەرای سلێمانیدا کردووە، ساڵانی (1943-1945) هاوکاریی شۆڕشی دووەمی بارزانی کردووە، ساڵی 1945 پەیوەندی بە ڕیزەکانی #حزبی هیوا# ی کوردەوە کردووە.
$خەباتنامە$
شەفیق ئەحمەد عەبدولفەتاح ئیسماعیل ساڵی 1961 پەیوەندی بە ڕیزەکانی هێزی پێشمەرگەوە کردووە، ساڵی 1963 لەلایەن سوپای ئێڕاقەوە بەند کراوە، ساڵی 1966 لەلایەن نوێنەرانی کۆنگرەی حەوتەم بە ئەندامی یەدەگی کۆمیتەی ناوەندی پارتی دیموکراتی کوردستان هەڵبژێردراوە، ساڵی 1966 بەرپرسی لێژنەی کارگێڕی نووسینگەی جێبەجێکاری (المکتب التنفیذی) ئەنجوومەنی سەرکردایەتی شۆڕش لە باشووری کوردستان بووە، ساڵی 1966 لەلایەن ئەنجوومەنی سەرکردایەتی شۆڕش لە کوردستان ئێڕاق کراوەتە جێگری پارێزگاری کەرکووک، ساڵی 1967 بەرپرسی لێژنە لقی سێی بووە، ساڵی 1967 لە شاری کەرکووک هەوڵی کوشتنی درا بەڵام ڕزگاری بووە، لە ڕێکەوتی #09-04-1970# لەدوای ڕێکەوتننامەی 11ی ئادار لەنێوان پارتی دیموکراتی کوردستان و حزبی بەعسی عەرەبی سۆسیالیستی بە فەرمانێکی کۆماری کراوەتە بەڕێوەبەری گشتی کارگەی جگەرەی سلێمانی، ساڵی 1970 کۆنگرەی هەشتەمی پارتی دیموکراتی کوردستان لە گوندی ناوپردانی سەر بە پارێزگای هەولێر بووە،
ساڵانی (1970 - 1974) ئەندامی لێژنەی لقی چوار پارتی دیموکراتی کوردستان بووە، ڕۆژی سێشەممەی #01-06-1971# وەک نوێنەری لێژنەی لقی سێ پارتی دیموکراتی کوردستان پێشوازی لە شاندێکی کۆمیتەی ناوەندی حزبی شیوعی بوڵگاریا کردووه، لە ساڵی 1972 بەڕێوەبەری گشتی کۆمپانیای گشتی جگەرەی سلێمانی بووە، ساڵی 1974 لەلایەن سەرکردایەتی پارتی دیموکراتی کوردستانەوە بە بەرپرسی پەیوەندییەکانی پارتی دیموکراتی کوردستان لە پارێزگای کرماشان بووە بۆ کاروباری پەنابەرانی باشووری کوردستان، ساڵی 1974 کراوەتە پارێزگاری سلێمانی لەلایەن شۆڕشی ئەیلوولەوە، ساڵی 1975 لەدوای نسکۆی شۆڕشی ئەیلوول ئاوارەی ئێران بووە، ساڵی 1976 گەڕاوەتەوە بۆ باشووری کوردستان و دوور خراوەتەوە بۆ ڕومەیسە لە پارێزگای سەماوە لە باشووری ئێڕاق، لە ڕێکەوتی
لە #07-11--1976# بە فەرمانێکی ئەنجوومەنی سەرکردایەتی شۆڕش بە بەڕێوەبەری شارەوانییەکانی پارێزگای واست (واست) لە باشووری ئێڕاق دەستنیشان کراوە، تا ساڵی 1979 بە دەستبەسەری لەوێ نیشتەجێ بووە، ساڵی 1977 بەڕێوەبەری شارەوانییەکانی پارێزگای کووت بووە، ساڵی 1980 لە شاری سلێمانی شەهید کرا
شارەزای زمانەکانی کوردی، عەرەبی، ئینگلیزی و فارسی بووە. [1]