جۆری وشە: ناو
چاویلکە: لە فەرهەنگی خاڵ دا
1-دوو شووشەیە لە چوارچێوەدا بۆ شت بینین یا پاراستنی چاو لە تەپوتۆز دەکرێتە چاو
2-برینێکە لە لەش پەیدابووبێ و چاوگەی داکەوتبێ

چاویلکە هەنبانە بۆرینە
کوردی:
1- گۆزلک؛ عەینەک
2-نەخۆشیەکە بەلەکی نەخۆش پۆڕگ دەردەکا
فارسی:
1-عینک
2-نوعی بیماری

چاویلکە: لە فەرهەنگی شێخانی دا
چەشمەک • چاویلە • عەینەک

ئێستا پیرم و کەوتوومەتە ئاویلکە
چاوی جوانم لێ ون دەکا چاویلکە
#هێمن موکریانی#

شاکر فەتاح لە فەرهەنگۆکی ئینگلیزی کوردی (A Vocabulary of English-Kurdish and Kurdish-English) کە ساڵی 1934 لە چاپخانەی زاری کرمانجی لە ڕەواندز چاپ کراوە، وشەی چاویلکەی بە هاوتای (Spectacles) داناوە. لە پەراوێزدا نووسیویە: لە دەوری ڕەواندز بە (عەینەک) ئەڵێن چاویلکە.
. ئەمڕۆ نەک هەر لە ڕەواندز، بگرە لە تەواوی باشوور وشەکە زۆر کەم بە کار دەهێنرێت. ئەو ڕۆژە لە هاوڕێیەکی سلێمانیم پرسی: (ئەمە چییە لە چاوت)، گوتی: (عەینەکە، قابیلە چییە!)
(Ziyad Es'ed).
⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!