شەهید مەلا عەبدوڵڵا کوڕی حاجی حمەدەمین لە ساڵی (1933) لە شارەدێی سێگردکانی شارۆچکەی #کۆیە# لە دایک بووە هەر لە منداڵیەوە چۆتە حوجرە لەلای مەلا خوێندوویەتی تا خوێندنی تەواو کردووە. هەر بە بنەماڵەش مەلا زادەبوون، باوکی و براکانی مامۆستا (عەبدولحەمید و عەبدولقادر) مەلا زادە بوون، شەهیدی ناوبراو پیاوێکی زۆر ڕاستگۆ و زیرەک بووە لە ساڵەکانی (1954 و 1955) بە ماڵەوە چۆتە #کەرکووک# بە ئیشی دووکانداریەوە خەریک بووە. شەهید لە ساڵی (1958) چۆتەڕیزی (پ.د.ک) دڵسۆزانە خەباتی کردووە، لەبەر لێهاتووی خۆی کراوە بە لێپرسراوی ڕێکخراوی (ساڵەیی و بیبانی) زۆر بە دڵسۆزی لەناو جوتیارانی ناوچەکە چالاکی کردووە هەر بۆیەش جوتیاران زۆر خۆشیان ویستووە هەر لەبەر ئەوەش نازناوی بۆتە مەلا عەبدوڵڵای جوتیار. لە ساڵەکانی (1959-1960) لە هەڵبژاردنی جوتیارانی کەرکووک و لە شۆڕشی ئەیلوولی (1961) چالاکانە بەشداری کردووە و کادیرێکی وورە بەرز و چالاک بووە لە هەمان ساڵدا لەلایەن میری لە دەربەندی بازیان گیراوە لە دوای چوار مانگ بەندکردن ئازادکراوە پاشان لە ساڵی (1962) دەکرێتە لێپرسراوی جوتیارانی کەرکووک دوای ماوەیەکی تر دەبێتە لێپرسراوی ناوچەی (شوان و شێخ بزێنی) هەروەها کراوە بە لێپرسراوی پێشمەرگەی ناوخۆی جوتیارانی کەرکووک و چەندین چالاکیان ئەنجامداوە لە ناوچەکانی کەرکووک. لە ساڵی (1963) لیژنەیەکی پێکهێاوە لە پیاو ماقوڵان و کورد پەروەران لە ناوچەکە بۆ دۆزینەوە و دەست نیشانی پیاو خراپان کە چەندین پیاو خراپیان دەست نیشان کردووە و ئێستاش هەر پیاو خراپن، لەسەر دەستی شەهید مەلا عەبدوڵڵا چەندین کادیر و پێشمەرگە هاتوونەتە ڕیزی حیزبایەتی و شۆڕشەوە، کادیرەکان وەکو (مەلا حمەدئەمین، مەلا شینە، مەلا خدر عیزەدین، مەلا نوری، خوالێخۆش بوو مەلا ناسیح توماری، مەلا ئیسماعیل، مەلا تالیب، مەلا عەلی) و چەندین و چەندین کادیری تر. پێشمەرگەکان وەکو (عاسی، مەولود قەرەدەرەیی، مجید حمە ڕەش، حکیم حمە ڕەش، غازی محەمەد حسێن، ئەحمەد محەمەد حسێن) ئەوەندە زۆرن ناکرێ ناوەکانیان هەموو بنوسرێن. شەهید لە کۆنفرانسی (1964)ی ماوەت بەشداری کردووە، بە ئامانەتەوە بڕیارەکانی کۆنفرانسی ماوەتی بە هەڤاڵانی ناوچەکە ڕاگەیاند و بە شەوێک هەموویانی کۆکردەوە لە گۆڕستانی شێخ ڕەش کە دەکەوێتە نێوان گوندی زەردک و کەلوور و گولدەرەوە، هەڤاڵ مەلا عەبدوڵڵا بڕیارەکانی کۆنفرانسی بۆ شیکردنەوە (اتفاقیە مشیر – بارزانی اصلح ام استسلام) ئەو شەوە شەوێکی زۆر ناخۆش بوو چونکە سەرەتای دەستپێکردنی خیلاف بوو لەگەڵ خوالێخۆشبوو مەلا مستەفای بارزانی. لە (#13-07-1964#) هەڤاڵ مەلا عەبدوڵڵا لەگەڵ هەڤاڵ مەلا خدر لە گوندی کەڵوور دەستگیر دەکرێن لەلایەن چەکدارەکانی ملازم تاریق ئەحمەدەوە دەبرێن بۆ گوندی (مورد خوادە) بارەگای بەتالیۆنی تاریق بوو لە گوندی ناروجە بەڵام ئازایانە ڕۆژی (14-07-1964) لەدەست چەکدارەکان ڕادەکەن و خۆیان دەشارنەوە و خەڵکی ئەو گوندانە پەنایان دەدەن. لەساڵی (1965) کەشەڕ دەستی پێکردەوە ڕژێمی بەغداد زۆربەی زۆری کادیرەکانی دەستگیرکرد.. وە شەهیدی ناوبراو لە ڕێگەی کورد پەروەران گەڕابووەوە شارەدێی سێگردکان کە ئەوکات گوند بووە، بە نهێنی ئیش و کاری تەنزیمی دەکرد. وە لەو سەردەمەدا ڕژێم هێرش دەکاتە سەر سێگردکان و مەلا عەبدوڵڵاش هەر بە تەنیا بە سەمینۆفێکەوە ڕاوە دویان دەنێ تالە ئاو دەیان پەڕێنێتەوە بەرەو گوندی پەڵکانە و دەرماناو.. ئینجا بە ناچاری سەمینۆفەکەی دەکاتە شان و دەچێتە پیرەمەگروون لەلای حاجی شێخ قادر دەبێتە پێشمەرگە و ئەندامی لقی (3)ی کەرکووک و چالاکانە بەردەوام دەبێت لە خەبات تا ڕۆژی (#15-11-1965#) لە چیای پیرەمەگروون بەدەستی ڕژێمی بەعس لەتەنگی حاجی تان دەگاتە کاروانە پڕ سەروەرییەکەی شەهیدان.