پۆلیسی هەولێر ڕایدەگەیەنێت،لەسەرەتای ئەمساڵەوە لەشاری هەولێر 80حالەتی خۆسوتاندن و خۆکوشتن تۆمارکراوە.
هێمن مامەند، هەولێر: وتەپێژی پۆلیسی هەولێر، ڕائید کاروان عەبدولکەریم، بەئاوێنە نیوزی ڕاگەیاند" لەسەرەتای ئەمساڵەوە تائەمڕۆ 80 حاڵەتی خۆکوشتن و خۆسوتاندن تۆمارکراوە، کە48 حاڵەتی تایبەت بووە بە ژنان کە 37 حاڵەتیان خۆسوتاندن بووه و 11 حاڵەتیان خۆکوشتن بووە و هەروەها 30 حاڵەتەکەی دیکە تایبەتە بە پیاوان و له و ڕێژەیە 21 حاڵەتی خۆکوشتن بووه و 9 حاڵەتی خۆسوتاندن بووە".
رائید کاروان وتیشی" دوو حاڵەتی دیکە تایبەتە بە منداڵان تۆمارکراوە، ئەوانیش بەهۆی لاسایی کردنەوەی دراما دۆبلاژکراوەکانەوە و خۆیان کوشتووە.
- 17-11-2013