رۆژهەڵاتی کوردستان (باسنیوز) ئیدریس ئەحمەد-
لە پارێزگای ورمێ لە ڕۆژهەڵاتی کوردستان 327 کەس تووشی نەخۆشی ئایدز بوون.
د. ڕەسوڵ ئینتزار مەهدی جێگری بەڕێوەبەرایەتی زانکۆی پزیشکی ورمێ ڕایگەیاند نەخۆشی ئایدز لە پارێزگای ورمێ خەریکی تەشەنەکردنە و ژمارەی نەخۆشەکان لەچاو ساڵی پار زیادبوونی فراوانی بەخۆوە دیوە. له و ژمارە نەخۆشە 22 کەسیان ژن و 305 کەسیشیان پیاون و تا ئێستەش 179 کەس بەهۆی ئه و نەخۆشییەوە گیانیان لەدەست داوە.
ئه و بەرپرسە ئاشکراشی کرد تەمەنی تووشبوان لە نێوان 25 بۆ 35 ساڵە بەڵام 41 لە تووشبوان تەمەنیان لەنێوان 15 بۆ 24 ساڵە کە ئەوە هێمایە ئەوەیە تەمەنی تووشبوان لە دابەزیندایە و هەڕەشەیەکی گەورەیە بۆ سەر کۆمەڵگە.
ئه و دکتۆرە نەیشاردەوە کە زیاترین ئه و تووشبوانە لە ڕێی کرداری سێکسییەوە نەخۆشی ئایدزیان گرتووە.
زیاترین ڕێژەی تووشبوان بە نەخۆشی ئایدز لە ڕۆژهەڵاتی کوردستان و ئێران تایبەتە بە شاری کرماشان کە بەگوێرەی ئامارە فەرمییەکان زیاتر لە 3300 تووشبوو بە نەخۆشی ئایدز له و شارەدا دەژین کە بەهۆی هاوسنووربوونی هەڕەشەیە بۆ سەر هەرێمی کوردستان.
20-12-2013