ZKW : لە ساڵی 2013ـەدا لە قەزای چۆمان بە گوژمەی 50 ملیار دینار زیاتر لە 30 پڕۆژەی خزمەتگوزاری خراونە واری جێبەجێ کردن، هەندێک لەو پرۆژانە تەواو کراون، هەندێکیشیان لە قۆناغی جێبەجێ کردندانە.
قایمقامی چۆمان عەبدالواحید گوانی بۆ ماڵپەڕی زاری کرمانجی گوتی، لە سنووری قەزای چۆمان بە ناحیە و گوند و ئاواییەکانەوە 30 پڕۆژەی خزمەتگوزاری بە گوژمەی 50 ملیار دینار خراونەتە واری جێیبەجێ کردن، هەندێک لەو پڕۆژانە تەواو بوونە، هەندێکی تریش لە قۆناغی جێبەجێ کردندانە، پڕۆژەکانیش جۆراو جۆرن، لەوانە پڕۆژەکانی کۆنکریتی کۆلانەکان و گەیاندنی تۆڕی کارەبا بە گوند و ئاواییەکان و دروست کردنی چەند بینایێکی قوتابخانە لە ناوچەکە لە خۆ دەگرێت.