لەئێستادا پەرلەمانتاران تەواوی موچەی مانگانەیان وەردەگرن کە بڕەکەی هەشت ملیۆن و 200 هەزار دینارە، بەڵام پێشتر بەهۆی قەیرانی داراییەوە بڕیاردرابو وەزیرو پەرلەمانتاران نیوەی موچەیان پێبدرێت.
ئاوێنەنیوز: بەپێی ئه و بڕە پارەیەی مانگانە هەر پەرلەمانتارێک وەریدەگرێت، بۆ هەر 111 پەرلەمانتارەکە دەکاتە 910 ملیۆن و 200 هەزار دینار، ئەمە جگە لەوەی موچەی سەرۆک و جێگرو سکرتێری پەرلەمان زیاترە.
ئەگەر ئه و بڕە پارەیە (910 ملیۆن و 200 هەزار دینار) لێکدانی 12 مانگ بکرێت واتا بۆ ساڵێک دەکاتە 10 ملیارو 922 ملیۆن و 400 هەزار دینار، بۆ چوار ساڵیش دەکاتە 43 ملیارو 689 ملیۆن و 600 هەزار دینار.
- 23-06-2015