بەڕێوەبەرایەتی ڕەگەزنامه و باری شارستانی سلێمانی، ئاماری 10 مانگی ڕابردووی هاوسەرگیری و جیابوونەوەی لە سنووری پارێزگای سلێمانی ڕاگەیاند.
لەبارەی ئاماری هاوسەرگیری و جیابوونەوە لە سنووری پارێزگای سلێمانی، بەڕێوەبەرایەتی ڕەگەزنامە و باری شارستانی سلێمانی ڕاگەیەندراوێکی بڵاوکردەوە و لە ڕاگەیەندراوەکەدا هاتووە: "لەماوەی (10) مانگی ڕابردوو، (9793) هاوسەرگیری تۆمارکراوە و لەبەرامبەردا (1452) حاڵەتی جیابوونەوە تۆمارکراوە، بەوەش دەردکەوێت کە ئەنجامدانی هاوسەرگیری حەوت هێندەی حاڵەتی جیابوونەوەیە".
هەر بەپێی ئامارەکەی بەڕێوەبەرایەتی ڕەگەزنامه و باری شارستانی سلێمانی: " لەماوەی، (10) مانگی ڕابردوو، زۆرترین حاڵەتی هاوسەرگیری لەمانگی ئەیلولی ڕابردوودا ئەنجامدراوە و کەمترین گرێبەستیش لەمانگی دواترو لەمانگی تشرینی یەکەمدا بووە".
- 03-11-2015