بەگوێرەی ڕاپۆرتێکی پۆلیسی وان، لە شارۆچکەی ئارتەمێتان 21 کارمەند، لە شارۆچکەی ڕێی ئارمووش 59 کارمەند، لە شارۆچکەی قەلقەلی چوار کارمەند و لە شارۆچکەی ئەردیش 14 کارمەند لەکاردەرکراون، خۆسەپێنەرەکانی ئەو شارەوانیانە نامەیان بۆ ئەو کارمەندانە ناردووە و پێیان ڕاگەیاندوون، کە گرێبەستی نوێیان لەگەڵ واژۆ ناکەن.
هەروەها ئۆندەر جان، خۆسەپێنەری شارەوانی ڕێی ئارمووش، بڕیاری دەرکردنی 125 کارمەندی داوە.
بەڕێوەبەرانی سەندیکای کرێکاران شارەوانیەکانی تورکیاش ڕایانگەیاندووە: ئەم بڕیارانە یاسایی نین و ئێمە سکاڵانامەی خۆمان دەدەین بە دادگا، ئەگەر دادگا وەڵاممان نەداتەوە، سکاڵاکەمان دەنێرین بۆ دادگای مافی مرۆڤی ئەوروپا.
01-12-2016