دواڕۆژ، ئاوارە حەمید
لە پارێزگای هەولێر 32 هەزار نەخۆشی شەکرە تۆمارکراوە و لەو ژمارەیە نزیکەی شەش هەزارکەسیان ئاوارەی خوار و ناوەڕاستی عێراقن.
د. شوان اسماعیل، بەڕێوەبەری سەنتەری شەهید لەیلا قاسم بۆ نەخۆشی شەکرە بە دواڕۆژی ڕاگەیاندلە ئێستا 32 هەزار کەس ناویان لامان تۆمار کراوە کە نەخۆشی شەکرەیان هەیە.
بەڕێوەبەری سەنتەری شەهید لەیلا قاسم بۆ نەخۆشی شەکرە ڕونیشی کردەوە، کە لەو 32 هەزار نەخۆشی شەکرەیە نزیکەی شەش هەزار نەخۆش خەڵکی ئاوارەی خوارو و ناوەڕاستی عێراقن.
تەمەن دیاریکراو نییە بۆ ئەوەی مرۆڤ توشی نەخۆشی شەکرەبێت، بەڵام ئەم نەخۆشیە کەمتر منداڵان تووشی دەبن و بۆیە تا ئێستا لە پارێزگای هەولێر 598 منداڵ تووشی نەخۆشی شەکرە بوون. ئەوەش بە وتەی د. شوان اسماعیل.
21-04-2017