بەگۆر گوێمان بڕی بەدێڵ دەرچوو
گوچيلەی نێر کە پێی دەوترێت(گۆر) لە تەمەنێکی بچوکەوە خاوەن پەز بۆ پاسەوانی بەخێوی دەکات و زۆر زوو هەردوو گوێی دەبڕن کەم ڕێکەوتووە گوچيلەی(دێڵ) گوێی ببڕدرێت و کەميش بە خێو کراوە، ئەمەش بۆ ئەوە دەگەڕێتەوە کە گۆر دەتوانێت پاسەوانێکی باشی لێ پەروەردە بکرێت بۆ ڕانە بزن و مەڕ و ماڵات، ئينجا کاتێک ئەمە وەک خوازە بۆ مرۆڤ بەکاردەهێنرێت دەبێتە ئيديۆم و دەربڕێکی ناوازەی جوان بۆ نمونە کارێک بە کەسێک دەسپێری و پێت وايە لە ئاستی جێبەجێکردنی ئه و کارە دايە کەچی لە نيوەی کارەکەدا بۆت دەردەکەوێ هەڵەت کردووە و ئه و کەسە لە ئاستی ئه و کارە نەبووە که پێيت سپاردووە و ناتوانێ تەواوی بکات و کۆل بدات و بەجێی بهێڵێت دەوترێت(بە گۆر گوێ-مان بڕی دێڵ دەرچوو).