دواڕۆژ، #سامان قوبادی#
سەرۆکی شارەوانی #سلێمانی# ڕایدەگەیەنێت، 900 پارچە زەوییان لە ناوچەی #کانی گۆمە#ی سلێمانی ئامادەکردووە بە مەبەستی دابەشکردنی زەوی بەسەر کەسوکاری شەهید و ئەنفالکراوان و زیندانیانی سیاسی و پێشمەرگەی کەمئەندام.
یوسف یاسین، سەرۆکی شارەوانی سلێمانی بە دواڕۆژی ڕاگەیاند دوای بڕیارەکەی سەرۆکایەتی ئەنجومەنی وەزیران، 900 پارچە زەوییان لە سلێمانی ئامادەکردووە تاوەکو بەسەر کەسوکاری شەهیدان و ئەنفال و زیندانیانی سیاسی و پێشمەرگەی کەمئەندام دابەشبکرێت و لە ئاییندەیەکی نزیکیشدا زەوییەکان دابەشدەکرێن.
وتیشی زەوییەکان دەکەونە ناوچەی کانی گۆمەی سلێمانی، ڕووبەرەکەیان لەنێوان 150 بۆ 200 مەتر چوارگۆشەدایە، هاوکات لەبەرامبەر تاپۆکردنیشدا هیچ بڕە پارەیەک وەرناگیرێت.[1]
#11-04-2018#