فو لە مانگ کردن
مانگ دواکەوتەيەکی گەردونی زەوييەکەی لەمەڕخۆمانە، ڕووناکی و تريفەکەی سروشتيە و له بەرکەوتنی تيشک و ووزەی خۆرەوە دروست دەبێت و بەدەوری دايکەکەی کە زەوييە دەسوڕێتەوە، مرۆڤ هيچ ڕۆڵێکی نيە لەو(سەين و بەين)ە، چرا فوی پێدابکەيت گڕەکەی دەکوژێتەوە، ئاگريش بەفو يان بڵێسە دەکات يان خامۆش دەبێت، بەڵام تريفە و ڕووناکی مانگی چواردە بە فوو نەکز دەبێت و نە دەکوژێتەوە، ئينجا فو لەمانگ کردن ئيديۆمێکە بەکاردێت بۆ کارێکی بێ کەڵک و سەرنەگرتوو، دەوترێت ئه و کارەی تۆ دەيکەيت وەک فو لەمانگ کردنە.