دواڕۆژ، بورهان یەحیا
رێڤەبەرێ هۆبا چاندنێ ل دێرەلۆک دیارکر پترییا برنجێ دەڤەرا #ئامێدی#ێ ل دێرەلۆک دهێتە چاندن ئەوژی لسەر رووبەرێ 450 دۆنەمن و بەرهەمێ وێ دبیتە نێزیکی 450 تەنان.
عسمەت ئیبراهیم رێڤەبەرێ هۆبا چاندنێ ل دێرەلۆک بۆ دواڕۆژ رۆهنکر سالانە ل سنۆرێ ناحیا دێرەلۆک 450 دۆنەمێن برنجی دهێنە چاندن و بۆ هەر دۆنەمەکێ 900 کیلۆیێن برنجێ سافی بۆ خوارنێ بەرهەم دهێت و کیلۆیا وێ ژ 1500 هەتا 1750 لناڤ بازاڕی دا دهێتە فرۆشتن.
خویاکر ب شێوەیەکێ گشتی سالانە رێژەیا بەرهەمێ برنجی دبیتە 450 تەنان کو ئەگەر بهایێ وێ 1500 دینار بن نێزیکی 600 ملیۆن دینار پارە بۆ خەلکێ دەڤەرێ دزڤریت و ئەڤە بۆ باشترکرنا ژیارا وان و پێشڤەچۆنا کەرتێ چاندنێ باشە.
ئاماژەکر جۆرێن برنجێ ل دێرەلۆک دهێنە چاندن ژی ئەڤەنە: کەس نەدیتی کو زۆر خۆشە و حەزژێکەرێن وێ مشەنە، ریچکێ تەحالفێ (کورت و درێژ)، سێ مەه و شەش مەه و خەلکێ دەڤەرێ یێن کارێ چاندنێ نەکەن بۆ خۆ دکرن و دیسا خەلک ژ #دهۆک# ژی دهێت و دکڕن.[1]
#10-07-2018#
ئەم بابەتە بەزمانی (کرمانجی - کوردیی سەروو) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
ئەڤ بابەت ب زمانا (کرمانجی - کوردیی سەروو) هاتیە نڤیساندن، کلیک ل ئایکۆنا
![](https://www.kurdipedia.org/images/flags/ku.png)
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
ئەم بابەتە 5,717 جار بینراوە
ڕای خۆت دەربارەی ئەم بابەتە بنووسە!