لە عەرەبیەوە: ڕێبین ڕەسول ئیسماعیل
لەم کتێبە دا نیچە بەتەواوی دژایەتی ڤاگنەری دەکات، بەهۆی ئەو ئاوازە و هونەری پێشکەشی دەکات، دەبێ ئەوە بزانین، پێش گەڕانەوەی ڤاگنەر بۆ ئەڵمانییە، نیچە کەسێک بوو زۆر کاریگەری ڤاگنەری لەسەر بوو، بە مامۆستایی خۆی دەزانی، بەڵام کاتێک ڤاگنەر گەڕایەوە بۆ ئەڵمانیا شانۆیەکی پێشکەش کرد لەم شانۆییە کڕنووشی بۆ خاچی مەسیح برد، نیچە زۆری پێناخۆش بوو، لەم کتێبە نیچە خۆی دەڵێ هێزی ڕۆشتنم نەبوو، کاتێک ئەم دیمەنەم بینی، لە شەرمەزاریدا تووشی لەرزین هاتم، هەروەها خاڵێکیتر ڕەقی لە ڕەگەز پەرستی بوو، ڤاگنەر لە زۆر هونەرەکەیدا گاڵتەی بە یەهوود کردووە، بۆییە نیچە لەم کتێبە دا دەڵێ پێویستە ئینجا دژایەتی ڤاگنەر بکەم، ئاواز و هونەرەکەی بە تێکدانی مێشک ناودەبات، لە زۆر شوێندا هونەرەکەی بێ بایەخ ناو دەبات، هەروەها لە کتێبی (ئەوە مرۆڤە) نیچە دەڵێ ڤاگنەرم خۆش دەوێ بەس ڕەقم لەکارەکانیەتی.[1]