لە قەدیمەوە خواوەندی زانا
بۆ هەر زاڵمێک زەواڵی دانا [1]
قەدیم= کۆن
زاڵم= ستەمکار
زەواڵ= لابەر
لە دوانی کوردیدا زۆر چەمک و وشە هەن و ڕۆژانە بەکاردێن، بەڵام تێگەیشتن لە خودی واتاکانیان یان نادیارە، یاخود بە هەڵە تێگەیشتن هەیە.
یەکێک لەو ڕستە پەندئامێزانە ئەمەیە : (زاڵم زەواڵی هەر بۆ دەبێ)، وشەی (زەواڵ) بەلای زۆر کەسەوە واتای ئەوەیە کە شتێک یان کەسێکە و لە زاڵم و زۆردار بە هێز و دەسەڵاتترە و تۆڵەی ستەمکاری و غەدر لە زاڵم دەکاتەوە. دیارە ئەمەش تێگەیشتنێکی هەڵەیە و دوورە لە ئامانج و مەبەست.
لە بنەمادا هەردوو وشەی (زاڵم و زەواڵ ظالم و زوال) عەرەبین. واتای زوال کە عەرەبییە لە کوردیدا بریتییە لە : نەمان، لەناوچوون، سڕدراوە، ونبوون، تێداچوون. تاد. نەک شتێک یان کەس و هێزێک.
کەواتا مەبەستەکە ئاوایە : زاڵم و ستەمکار ڕۆژێک هەر دێت نەمێنێ و لەناوبچێ.
دوان : ئاخاوتن. (Niazy Hamaaziz)
=KTML_Link_External_Begin=https://www.facebook.com/niazy.hamaaziz=KTML_Link_External_Between=niazy.hamaaziz=KTML_Link_External_End=