وەستای قسان کۆلەواری دەستان
وەستا واتە لێزان و شارەزا و خاوەن بەهرە لەهيچ شتێ ڕانامێنێ و لە هەموو بوارێکدا کاری خۆی دەدۆزێتەوە و بەسەرکەوتويش ئەنجامی دەدات، بەپێچەوانەشەوە(کۆلەوار) واتە نەزان و ناشارەزا و بێ بەهرە و لە هيچ شتێ سەرەدەرەی لێ ناکات، ئينجا(قسان و دەستان) هەندێ مرۆڤ هەيە بەزاروپلە و لە هيچ قسەيەک ڕاناوەستێ و زۆر بەجێگەوڕێگە وەڵامت دەداتەوە و کورد وتەنی(دەتبەستێتەوە)بەڵام ئەم جۆرە مرۆڤە هەندێکيان تەنها لەزاردا گەرمن و لە دەست وپل دەستەپاچە و بێ کاروکردەوە و دەست وبردن ئينجا ئەوەی لەقسە و گفتۆ گۆ زۆری لەبار بێ و لەکارو کردەوەش دەستەوەستان بێت ئەوا لەئيديۆمی کوردەواريدا پێی دەوترێت ئای نەمری(وەستای قسان و کۆلەواری دەستان).