زۆرجار بەرگوێم کەوتووە کە کەسێک بەیەکێکی تری وتووە، ئەوە چیتە جاودەنێیتەوە، هێندە دێی و دەچی. من خۆم دەم زانی جاو چیه و جاونانەوە چیە، بەڵام هیچکام لەوانەی ئەم ووتەیەیان دەوت نەیان زانی ئەوەی وەک توتی دەیڵێن لە کوێوە هاتووە. بۆیە ئەم تابلۆیەم کێشا.
ڕیس خوری بادراوە بە تەشی. ڕیس ڕەنگ دەکرێ پێی دەڵێن جاو. بۆ ئەوەی جۆڵا بەڕە یان پۆپەشمین یا جاجم.....هتد بچنێ، پێویستی بە ڕایەڵە. ژمارەی ڕایەڵەکان بەپێی پانی چنراوەکە دەگۆڕڕێت. بۆ ئامادە کردنی ڕایەڵ لە جاو دوو دار دوور لەیەک بەپێی درێژی چنراوەکە دەچەقێنرێتە زەوی و جا کەسێک تۆپێ جاو بەدەستەوە ئەمسەروئەوسەر دەکات تا ژمارەی پێویستی جاو دەنیتەوە. مامۆستا سەربەست عەبدولرەحمان [1]